ज्ञानसागर वाचनालयास पाच हजारांची देणगी देऊन सौ.मालती गोंडाळ यांनी साजरा केला वाढदिवस : अक्षरमित्र बी.के.गोंडाळ यांच्या कल्पक उपक्रमाचे सर्व थरातून कौतुक
|
😊 कृपया ही बातमी शेअर करा😊
|
ज्ञानसागर वाचनालयास पाच हजारांची देणगी देऊन सौ.मालती गोंडाळ यांनी साजरा केला वाढदिवस : अक्षरमित्र बी.के.गोंडाळ यांच्या कल्पक उपक्रमाचे सर्व थरातून कौतुक
ज्ञानप्रबोधिनी प्रतिनिधी, राजापूर
आजच्या बदल्यात जमान्यात केक कापून आणि जंगी पार्ट्याकरून वाढदिवस साजरे होत असताना या नव्या संस्कृतीला छेद देत सौ.मालती भानू गोंडाळ यांनी आपल्याच शीळ (ता.राजापूर जि.रत्नागिरी) गावातील ज्ञानसागर वाचनालयाला पाच हजार रुपये देणगी देऊन आपला ४२ वा वाढदिवस साजरा केला.
या देणगीचा धनादेश ज्ञानसागर वाचनालयाचे अध्यक्ष गोपाळ गोंडाळ यांच्या हाती सुपूर्द केला. यावेळी सचिव संतोष मोंडे, संचालक राजेंद्र बाईत, बी.के.गोंडाळ, लिपिक संतोष गोंडाळ उपस्थित होते.
पाच हजार रुपये ही रक्कम वाचनालयाच्या नावे बँकेत कायमस्वरूपी ठेव म्हणून ठेवण्यात येणार आहेत. या रक्कमेच्या व्याजातून वाचन प्रेरणा दिनी वर्षभरात सर्वाधिक पुस्तके वाचणाऱ्या एका सभासद वाचकास शीळ गावचे माजी सरपंच ‘कै.श्री.केरु तानाजी गोंडाळ स्मृती उत्तम वाचक पुरस्कार’ देऊन गौरविण्यात येणार आहे.
राजापूर तालुक्याच्या ग्रामीण भागातील सामान्य वाचकांसाठी ग्रंथालय चळवळ उभी करणाऱ्या अक्षरमित्र बी.के.गोंडाळ यांच्या संकल्पनेतून राबविल्या जाणाऱ्या उपक्रमाचे समाजाच्या सर्व स्तरातून अभिनंदन होत आहे.
|
Whatsapp आयकॉन दाबून ही बातमी शेअर करा |
Advertising Space
आणखी कथा
