वैज्ञानिक दृष्टिकोन जोपासणाऱ्या कार्यक्रमांची गरज : आमदार प्रकाश आबिटकर

ज्ञानप्रबोधिनी प्रतिनिधी, निळपण
वैज्ञानिक दृष्टिकोन जोपासणाऱ्या कार्यक्रमांची सध्या आवश्यकता आहे. क्रीडा स्पर्धा व विज्ञान प्रदर्शन ह्या मुलांच्या शैक्षणिक, वैज्ञानिक व शारीरिक दृष्टीने महत्वाच्या आहेत. मुले ही आपली संपत्ती आहे. या संपत्तीला समृद्ध करण्यासाठी वाटेल ते करून शिक्षक मुलांच्या शैक्षणिक प्रगतीसाठी धावपळ करताहेत हे कौतुकास्पद असल्याचे गौरवोदगार आमदार प्रकाश आबिटकर यांनी काढले.
जवाहर हायस्कूल, निळपण (ता. भुदरगड) येथे पंचायत समिती शिक्षण विभागातर्फे ५१ व्या तालुकास्तरीय विज्ञान प्रदर्शनाच्या उदघाटन प्रसंगी अध्यक्षस्थानावरून बोलताना केले. गावातून काढलेल्या ग्रंथ दिंडीने विज्ञान प्रदर्शनाचा शुभारंभ झाला. जिल्हा प्राथमिक शिक्षणाधिकारी मीना शेंडकर, गटविकास अधिकारी डॉ. शेखर जाधव, संस्थाअध्यक्ष जेष्ठ विधिज्ञ अ‍ॅड. संग्रामसिंह कडव, सरपंच वैशाली पाटील प्रमुख उपस्थित होते. यावेळी प्रमुख मान्यवरांचा पुस्तक भेट देऊन सत्कार झाला.
सौ. शेंडकर म्हणाल्या, विज्ञान प्रदर्शनातून मुलांची निरीक्षण क्षमता वाढते. यासाठी तुटपुंजी तरतूद असते ही तरतूद वाढवण्यासाठी शासकीय पातळीवर प्रयत्न करणार असल्याचे त्यांनी सांगितले. गटशिक्षणाधिकारी दीपक मेंगाणे यांनी भुदरगड तालुक्यातील शैक्षणिक उपक्रमांची माहिती देऊन तालुक्यातील शिक्षक गुणवत्ता वाढीसाठी झटत असल्याचे सांगितले.
गटविकास अधिकारी डॉ. जाधव, जेष्ठ विधिज्ञ अ‍ॅड. कडव यांनी मार्गदर्शन केले.
स्वागत मुख्याध्यापक एन. एस. सारंग यांनी केले. प्रास्ताविक गटशिक्षणाधिकारी दीपक मेंगाणे यांनी केले. यावेळी शिक्षण विस्ताराधिकारी प्रबुद्ध कांबळे, उत्तम पाटील, निवृत्ती भाटले, शिक्षक बँक संचालक बाळकृष्ण हळदकर, मिलिंद पांगिरेकर, केंद्रप्रमुख संजय कुकडे, शिक्षक संघाचे जिल्हाध्यक्ष बी. एस. पाटील, शिक्षक नेते आनंदराव जाधव, संजय कुकडे, विनायक चौगले, बबन इंदुलकर, पुष्पा सरदेसाई, ए.एम. पाटील मुख्याध्यापक संघाचे अध्यक्ष सुरेश पाटील, प्रकाश पाटील, एस. के. कासार, एम. व्ही. लाड, आदींसह तालुक्यातील शिक्षक मोठ्या संख्येने उपस्थित होते. आभार मुख्याध्यापक व्ही. आर. नलवडे यांनी मानले. सूत्रसंचालन राजेंद्र शिंदे यांनी केले.
…………………..
तालुकास्तरीय विज्ञान प्रदर्शनाच्या दृष्टिकोनातून निळपण येथे वैज्ञानिक रांगोळ्या दारोदारी घातल्या होत्या त्या आकर्षक ठरल्या.
………………….
पाहुण्यांच्या स्वागतासाठी शाळेतील मुलांचे पारंपरिक लेझीम पथक आकर्षक बनले होते. लेझीममुळे उपस्थितांचे लक्ष वेधून घेतले.
—
कार्यक्रम ठिकाणी मैदानावर भव्य मंडप उभारून उपकरणे मांडण्यात आली. यासह पार्किंगचे नेटके नियोजन संयोजकांनी केले.