वाचन प्रोत्साहन व शालेय ग्रंथालय समृद्धीसाठी हायस्कूल्स, वाचनालयांना “ग्रंथदान” करून नववर्षाचे स्वागत : जीवन साळोखे यांच्या उपक्रमास अठरा वर्षे पूर्ण
|
😊 कृपया ही बातमी शेअर करा😊
|
वाचन प्रोत्साहन व शालेय ग्रंथालय समृद्धीसाठी हायस्कूल्स, वाचनालयांना “ग्रंथदान” करून नववर्षाचे स्वागत : जीवन साळोखे यांच्या उपक्रमास अठरा वर्षे पूर्ण 
ज्ञानप्रबोधिनी प्रतिनिधी, मुरगूड
गेली अनेक वर्षे वाचन संस्कृतीची वाढ आणि वाचक संस्थेच्या मजबुतीसाठी हजारो पुस्तकांचे सातत्याने दान करत असलेल्या ज्येष्ठ पत्रकार, साहित्यिक जीवन साळोखे यांनी नवीन वर्षाचे (२०२४) स्वागत जिल्ह्यातील विविध हायस्कूल्स आणि शासनमान्य वाचनालयांना दोन हजारांहून अधिक उत्तमोत्तम पुस्तके देऊन करणार असल्याचे जाहीर केले आहे.
वाचन प्रोत्साहन व शालेय ग्रंथालय समृद्धीसाठी ग्रंथदान करून, वाचन चळवळ गतीमान करण्यासाठी निवृत्त प्राचार्य जीवन साळोखे यांच्या २००६ पासून एकहाती अखंड सुरू असलेल्या ग्रंथदान उपक्रमास अठरा वर्षे पूर्ण होत आहेत.
२०२४ या आगामी वर्षांत प्राचार्य जीवन साळोखे हे चंदगड, राधानगरी, करवीर, शिरोळ, हातकणंगले, कोल्हापूर शहरासह जिल्ह्यातील विविध ठिकाणच्या शंभर शालेय ग्रंथालय व सार्वजनिक वाचनालयांना समारंभपूर्वक ग्रंथभेट देणार आहेत.
दरम्यान शाळा-शाळांमधून “ग्रंथदान” हा उपक्रम राबवून विद्यार्थ्यांना वाचते करण्यासाठी शिक्षक-मुख्याध्यापकांसह सर्वांनी प्रयत्न करावेत, तसेच पालक वर्ग आणि समाजातील मान्यवरानीही ग्रंथदान उपक्रमास सहकार्य करावे असेही आवाहन प्राचार्य जीवन साळोखे यांनी यासंदर्भात बोलताना केले आहे.
|
Whatsapp आयकॉन दाबून ही बातमी शेअर करा |
Advertising Space
