*गावच्या स्वच्छतेसाठी तालुकास्तरीय ‘स्वच्छता रन’चा गारगोटीत शुभारंभ :* *क्रांती ज्योत ते ग्रामीण रुग्णालयापर्यंत स्वच्छता दौड संपन्न*
|
😊 कृपया ही बातमी शेअर करा😊
|
*गावच्या स्वच्छतेसाठी तालुकास्तरीय ‘स्वच्छता रन’चा गारगोटीत शुभारंभ :*
*क्रांती ज्योत ते ग्रामीण रुग्णालयापर्यंत स्वच्छता दौड संपन्न*
गारगोटी प्रतिनिधी
स्वच्छ भारत अभियानांतर्गत गावच्या दृश्यमान स्वच्छतेसाठी तालुकास्तरीय ‘स्वच्छता रन’चा शुभारंभ गटविकास अधिकारी डॉ.शेखर जाधव यांच्या हस्ते करण्यात आला. स्वच्छता ही सेवा या अभियानांतर्गत गारगोटी येथील क्रांती ज्योत ते ग्रामीण रुग्णालयापर्यंत स्वच्छता दौड काढण्यात आली.
स्वच्छता ही सेवा अभियानांतर्गत स्वच्छतेची शपथ व नंतर स्वच्छता दौड घेण्यात आली. यावेळी डॉ. जाधव यांनी स्वच्छता ही सेवा या अभियाना संदर्भात सविस्तर मार्गदर्शन केले व स्वच्छता रन यशस्वी पुर्ण केल्याबद्दल सर्वांचे कौतुक केले.
यावेळी ग्रामपंचायतीच्या सफाई कर्मचाऱ्यांचा तसेच स्वच्छता दूत म्हणून गारगोटी हायस्कूलच्या कु.पियुष सुतार, कु.प्रियांका देसाई यांचा सत्कार गट विकास अधिकारी डॉ.शेखर जाधव यांच्या हस्ते सत्कार करण्यात आला.
यावेळी एकात्मिक बालविकास योजनेच्या प्रकल्पाधिकारी सौ. शीतल पाटील, ग्रामविकास अधिकारी श्री.राजाराम परीट, गारगोटी हायस्कूल गारगोटीचे शिक्षक व विद्यार्थी, पंचायत समिती सर्व अधिकारी व कर्मचारी, बी.आर.सी/ सी.आर.सी, तसेच ग्रामपंचायत गारगोटीचे सर्व कर्मचारी व गावातील प्रतिष्ठित नागरिक उपस्थित होते.
|
Whatsapp आयकॉन दाबून ही बातमी शेअर करा |
Advertising Space
