*सोलापूर शिक्षण विभागात नवीन शिक्षणाधिकारी नेमणार : शिक्षण आयुक्त मांढरे यांची माहिती* *आमदार जयंत आसगावकर यांच्या प्रयत्नाला यश*

*सोलापूर शिक्षण विभागात नवीन शिक्षणाधिकारी नेमणार : शिक्षण आयुक्त मांढरे यांची माहिती*
*आमदार जयंत आसगावकर यांच्या प्रयत्नाला यश*
ज्ञानप्रबोधिनी प्रतिनिधी, पुणे
सोलापूर जिल्ह्यातील शिक्षण विभागात पूर्ण वेळ शिक्षणाधिकारी नसल्याने येथे कामासाठी येणाऱ्या शिक्षक बांधवांना मोठा त्रास सहन करावा लागतो. यामुळे या विभागात कायमस्वरूपी शिक्षणाधिकारी नेमावा, अशी मागणी शिक्षक आमदार प्रा.जयंत आसगावकर यांनी शिक्षण आयुक्त सूरज मांढरे यांच्याकडे पत्राद्वारे केली. आयुक्त श्री.मांढरे यांनी शिक्षक बांधवांची अडचण लक्षात घेऊन या ठिकाणी नवीन शिक्षणाधिकारी नेमणार असल्याचे सांगितले.
आमदार जयंत आसगावकर यांनी सोलापूर जिल्ह्यातील शिक्षणाधिकारी, उपशिक्षणाधिकारी व लिपिक हे जागेवरच उपस्थित नसल्याचे चित्र वारंवार पहावयास मिळत आहे. परिणामी या कार्यालयामध्ये विविध शैक्षणिक कामासाठी येणाऱ्या शिक्षक व शिक्षकेतर कर्मचारी यांना प्रचंड त्रास सहन करावा लागत आहे. याशिवाय वरिष्ठ श्रेणी, निवड श्रेणी, संच मान्यता दुरुस्ती अशा प्रकारचे अनेक प्रस्ताव प्रलंबित आहेत. त्यामुळे कामासाठी येणाऱ्या शिक्षक व शिक्षकेतर कर्मचाऱ्यांना मोठा आर्थिक भुर्दंड सोसावा लागतो. त्यामुळे सदर अधिकारी व कर्मचाऱ्यांवर तात्काळ कारवाई करण्यात यावी. अशी मागणी केली. यावर शिक्षण आयुक्त सूरज मांढरे यांनी याप्रश्नी संबंधितांवर योग्य ती कारवाई करण्याची ग्वाही दिली.
यावेळी शिक्षक नेते श्री. अण्णासाहेब गायकवाड, कास्ट्राईबचे श्री. राजेंद्र कांबळे, जुनी पेन्शन हक्क समितीचे श्रीधर गोंधळी आदी उपस्थित होते.