जनस्वास्थ्य अभियानाचे मेन राजाराम हायस्कूल येथे प्रातिनिधिक उद्घघाटन : जनस्वास्थ्य प्रतिज्ञेने अभियानाची सुरुवात
|
😊 कृपया ही बातमी शेअर करा😊
|
जनस्वास्थ्य अभियानाचे मेन राजाराम हायस्कूल येथे प्रातिनिधिक उद्घघाटन : जनस्वास्थ्य प्रतिज्ञेने अभियानाची सुरुवात
ज्ञानप्रबोधिनी प्रतिनिधी, कोल्हापूर
आरोग्य व पर्यावरण जागृतीसाठी संपूर्ण कोल्हापूर जिल्ह्यातील सुमारे ८०० माध्यमिक शाळातून दि. १ ते ५ जानेवारी या कालावधीत राबविण्यात येणाऱ्या जनस्वास्थ्य अभियानाचे प्रातिनिधिक उद्घघाटन कोल्हापूर येथील मेन राजाराम हायस्कूलमध्ये करण्यात आले. जनस्वास्थ्य प्रतिज्ञेने अभियानाची सुरुवात करण्यात आली.
यावेळी कोठेही कचरा करणार नाही, थुंकणार नाही, प्लास्टिक कॅरीबॅगचा वापर टाळेन, ध्वनी प्रदूषण करणारे डॉल्बी व फटाके यापासून दूर राहीन, तसेच गुटखा, तंबाखू, धूम्रपान आणि दारू सारख्या व्यसनी पदार्थांपासून दूर राहीन अशा प्रकारची जनसास्थ्य प्रतिज्ञा घेण्यात आली.
यावेळी बोलताना जनस्वास्थ्य दक्षता समितीचे अध्यक्ष दीपक देवलापूरकर यांनी, प्रत्येकाने स्वतःपासून सुरुवात केली तरच पर्यावरणाचा ऱ्हास कमी होईल. अन्यथा भावी तरुण पिढी धोक्यात येणार आहे. प्रारंभी प्रास्ताविक जनस्वास्थ्य दक्षता समितीचे कार्यवाह बृहस्पती शिंदे यांनी तर आभार बी.टी.यादव यांनी मानले. यावेळी प्राचार्य व्ही.बी.ढोणे, अलका देवलापूरकर, मिली देवलापूरकर, वैशाली पुंदीकर, पठाण मॅडम व पत्रावळे मॅडम उपस्थित होत्या.
|
Whatsapp आयकॉन दाबून ही बातमी शेअर करा |
Advertising Space
