आंबवणे येथील मातंग समाजाच्या मुलीने प्रतिकुल परिस्थितीवर मात करत मिळवले उत्तुंग यश
|
😊 कृपया ही बातमी शेअर करा😊
|
आंबवणे येथील मातंग समाजाच्या मुलीने प्रतिकुल परिस्थितीवर मात करत मिळवले उत्तुंग यश
ज्ञानप्रबोधिनी प्रतिनिधी, गारगोटी
आंबवणे (ता. भुदरगड) येथील गरीब, कष्टाळू, शेतकरी कुटुंबातील मातंग समाजातील मुलीने खासगी शिकवणी शिवाय घरी अभ्यास करून अनेक अडचणीचा सामना करत दहावीत ९१.६० टक्के गुण मिळवले. प्रणाली धनाजी मोरे असे तिचे नाव आहे. प्रतिकूल परिस्थितीवर मात करत यशस्वी झालेल्या प्रणिताचे सर्वत्र कौतुक होत आहे. ती खानापूर येथील राजमाता गर्ल्स हायस्कूलची विद्यार्थिनी आहे.
प्रणालीचे प्राथमिक शिक्षण गावातच झाले. मनात जिद्द असेल तर कोणतीही गोष्ट अशक्य नाही हे प्रणिताने आपल्या कष्टातून दाखवून दिले. प्रणालीने यापूर्वी इयत्ता आठवी मध्ये एन एम एम एस परीक्षेत अनुसूचित जातीमधून राज्यात प्रथम येण्याचा बहुमान मिळवला आहे.
आई-वडील मोलमजुरी करत सोबत आपला पारंपारिक व्यवसाय झाडू बांधण्याचे कामही करतात. घरची आर्थिक परिस्थिती बेताची हे चित्र डोळ्यासमोर ठेवून तब्बल सहा ते आठ तास अभ्यास करून तिने हे यश संपादन केले. भविष्यात अधिकारी होऊनच आई-वडिलांच्या कष्टाचे चीज करण्याचा तिचा मनोदय आहे. तिला आई सुमन वडील धनाजी व शिक्षक यांचे प्रोत्साहन लाभले.
|
Whatsapp आयकॉन दाबून ही बातमी शेअर करा |
Advertising Space
आणखी कथा
